دليلك لاختيار فستان وجزمة ليلة العمر

"مفيش شكل إنك بتتمني يوم فرحك يمر بمثالية ومن غير مشاكل، ومن أكثر الحاجات اللي ممكن توترك هي إنك متكنيش على راحتك في الحركة.
علشان كدة مهم جدًا تختاري الفستان المناسب ليكي، واللي يضمنلك الراحة والحرية وسهولة الحركة.
في المقال ده هنعرضلك أكثر ستايلات منتشرة من الفساتين اللي ممكن تختاري منها الأنسب ليكي في ليلة العمر..."

الفستان المنفوش:

من أكثر أنواع الفساتين المنتشرة اللي معظم البنات بيفضلوها في فرحهم، لأنها بتوفرلهم حرية كبيرة في الحركة ومش بتسبب أي عوائق، هو الفستان المنفوش اللي بيتميز بتنورة واسعة مريحة وحرة في حركتها.

الفستان المنفوش منتشر بشكل كبير وليه أكثر من ستايل وشكل تقدري تختاري منهم الأنسب ليكي.

الفستان القصير:

لو فرحك هيكون في مكان خارجي، من الأفضل تختاري فستان قصير علشان تضمني أنه مش هيتبهدل من الأرض، وكمان علشان يديكي حرية أكبر في الحركة والرقص.

الفستان القصير ليه أشكال كتير منها المنفوش والضيق، وفي منه كمان اللى بأكمام أو من غير أكمام، اختاري منهم الشكل اللى يناسبك ويخلي إطلالتك جذابة في ليلة العمر.

فستان بأكمام عريضة:

بعض الفساتين أكمامها ممكن تسببلك عدم راحة في الحركة، خصوصًا لو كانت الأكمام ضيقة، وممكن كمان تتقطع وتضايقك في حركة ايديكي.

علشان كدة الأفضل تختاري فستان من الفساتين اللي بأكمام عريضة وواسعة، علشان تضمنلك حرية وسهولة في الحركة خلال التصوير والرقص.

موضة الأكمام العريضة في الفساتين انتشرت جدًا في الفترة الأخيرة، ومنها أكثر من ستايل بإطلالات مختلفة تناسب كل الأذواق.

تقدري تشوفي مجموعة من أفضل إطلالات الفساتين وآخر صيحات الموضة من خلال:
(لينك لصفحة فساتين الأفراح على الموقع)

"وبالإضافة للفستان، من أهم الحاجات اللي تهتمي بيها في يوم فرحك هي اختيار الجزمة اللي هتلبسيها، اختيار جزمة الفرح ليها معايير وقواعد علشان تضمني راحتك الكاملة في أهم يمو في حياتك.
أكيد شكل الجزمة ولونها مهمين لكن الأهم أنها تكن مريحه في رجلك، وسهلة في التحرك بيها.

وخلال الجزء التاني من المقال هنقولك تاخدي بالك من إيه وأنتي بتختاري جزمة فرحك"

• اختيار كعب زي اللى متعوده تلبسيه:

لما تيجي تختاري جزمة فرحك، يفضل إنك تختاري بنفس طول الكعب اللي متعوده تلبسيه دايمًا علشان تحافظي على توازنك وسهولة حركتك وراحتك.

ولو كنتي مبتحبيش الكعب العالي، ممكن تختاري الجزمة الباليرينا أو تختاري حاجة تانية تكون عاليه على نفس المستوى كلها، بحيث تديكي الطول الإضافي اللى أنتي عاوزاه وفي نفس الوقت تضمنلك الراحة التامة لرجليكي في الحركة والرقص.

• اختيار لون مميز:

مش شرط يكن لون الجزمة أبيض، ممكن تكون مميزة ومختلفة وتخلي شكلك جديد ويخطف الأنظار، ممكن تكون ملونة بلون من اللي بتحبيهم، أو من الألوان اللي طالعة موضة في فوقت فرحك.

لكن لو حابه تلتزمي بالأبيض، فحاولي تختاريها نفس لون الفستان وممكن تكون معمولة من نفس الخامات.

• الاختيار على حسب مكان الفرح:

قبل ما تختاري جزمة فرحك خلي بالك من مكان الفرح، فلو كان الفرح في قاعة مقفولة هينفع معاها أي نوع أو ستايل.

أما لو كان الفرح في مكان خارجي، يفضل تكن جزمتك مقفولة أو بكعب قصير أو مسطح بحيث تضمنلك سهولة في الحركة وكيدخلش رجلك رمل أو حجارة.

• البروفات:

من أهم الحاجات اللي محتاجه تعمليها لإنك تجربي أكثر من ستايل وأكثر من شكل، وتعمليلها بروفات وتجربي تمشي فيها أكثر من مرة، علشان رجلك تتعود علي القالب بتاعها ترتاح فيها قبل يوم الفرح.

"لو عاوزه تعرفي أكثر عن أفضل تسرحات الشعر ليوم الفرح أدخلي على: (لينك مقال تسريحات الشعر).