إزاي تختاري بوكيه الفرح!

"بوكيه الورد في الفرح من الحاجات اللي بتضيف جمال وأناقة على إطلالة العروسة، علشان كدة لازم تختاريه بعناية واهتمام زي باقي تفاصيل الفرح، علشان تكمل الصورة الجميلة لليلة العمر."

بوكيه الورد اللي هيكن معاكي يمو فرحك من أكثر التفاصيل اللي هتبرز جمالك بألوانه المميزة وشكله الهادي الجميل.

اختيار بوكيه الورد بيعتمد بشكل كبير على مكان وطبيعة الفرح وديكور القاعة.

علشان كدة لما تيجي تختاري بوكيه فرحك، محتاجه تاخدي بالك من كام حاجة مهمة، لإنه بيعكس بشكل كبير شخصيتك وهيكمل إطلالتك ليوم الفرح.

إزاي تختاري بوكيه فرحك:

من أكثر المعايير اللي بيتوقف عليها اختيار بوكيه الورد، مكان الفرح وطبيعته وده لأن البوكيه ألوانه لازم تكون لايقه على ديكورات الفرح وروح المكان.

يكون لايق كمان مع لون الفستان وتصميمه، ويفضل وانتي رايحه تختاري البوكيه يكن معاكي صورة للفستان علشان تقدري تعملي بوكيه يليق على لونه وستايله.

ومهم وانتي بتختاري الورد أنه يكون شبهك وبيعبر عن شخصيتك، ويكن ريحته حلوة وقوية، وممكن كمان تعملي أساور من نفس نوع الورد وتوزعيها على صحباتك للذكرى.

بوكيه الورد مرتبط بمكان الفرح:

معرفة وتحديد مكان الفرح هيساعدك كتير في اختيار بوكيه الورد، لأن شكل البوكيه يفضل يكون لايق مع تصميمات ديكورات الفرح وألوانها.

ممكن وانتي رايحه تختاري البوكيه تاخدي معاكي صور للمكان بعد تزيينه بالديكور علشان تختاري ورد يليق مع روح المكان.

عربية الفرح:

تزيين عربية الزفة بالورد من أهم الحاجات اللي لازم تشرفي عليها بنفسك، وتختاري الورد والزينة اللى تكون لايقة على الجو العام للفرح، وتكون مناسبة لديكورات المكان، وألوانه.

وخدي بالك إن يفضل إن لون الورد يكون لايق مع لون العربية، زي مثلا لو كانت العربية لونها أحمر، يبقى اختاري الورد الأبيض هيكون لايق معاها.

استخدام الورد في الاكسسوارات:

ممكن تستخدمي الورد في أكثر من استخدام في فرحك، مش بس في البوكيه أو تزيين العربية، لكن ممكن تستخدميه كمان في تزيين شعرك، خصوصًا لو كان فرحك في الربيع.

استخدام الورد في تزيين شعرك هيضيف لتسريحتك الناعمة الجمال والأناقة وهيبين جمال شعرك ورقتك.

معاد الفرح:

قبل تحديد نوع الورد اللي هتستخدميه في فرحك، خدي بالك من الفصل اللي هيكن فيه الفرح، علشان تقدري تحددي أيه نوع الرد اللي هيكون متوفر في الوقت ده من السنة.

"تقدري تشوفي أجمل ستايلات وجزم الأفراح من خلال: (لينك مقال الفساتين)"